పుట:మన్నారుదాసవిలాసము (పసపులేటి రంగాజమ్మ).pdf/19

శ్రీరాజగోపాలాయ నమః

మన్నారుదాసవిలాసము

(పద్యకావ్యము)

ప్రథమాశ్వాసము

ఇష్టదేవతాస్తుతి

⁠

శ్రీరుచిరాంగియై వెలయు చెంగమలాంబిక రూఢి సంతత శ్రీరమణీయవైభవవిశేషములఁ గను మన్ననారు తా సారె సుపుత్రపౌత్రులను శాశ్వతలక్ష్ము లొసంగి వేట్క దు ర్వారభుజాబలున్ విజయరాఘవభూవరు బ్రోచుగావుతన్.

⁠ 1

శా.⁠

శ్రీవిద్యానిధి కొల్చువారి కెపుడున్ క్షేమాయురారోగ్యల క్ష్మీవాణీమతికాంతికీర్తిమహిమల్ చేకూర్చు శ్రీవక్షు రీ జీవాక్షున్ సకలామరేంద్రతిలకున్ శ్రీ రాజగోపాలకున్ సేవింతున్ గృతి మత్పతిప్రబలలక్ష్మీసిద్ధిఁ బ్రార్థింపుచున్.

⁠ 2

ఉ.⁠

బంగరుతమ్మిదోయి కరపద్మములన్ ధరియించు భామ హే మాంగవిభాభిరామ కనకాబ్జమునన్ గొలువున్న కొమ్మ మా చెంగమలమ్మ సత్కరుణచేతను దామరతంపరై [1]మహిన్ రంగలరంగ నీ విజయరాఘవభూవరుఁ బ్రోచుగావుతన్.

⁠ 3

చ.⁠

ఫణిపతి తా వహించు మహిభారము సర్వము నిర్వహించు నీ ప్రణుతబలాఢ్యుఁ డంచు నుతి బల్మరు సేయుచు వేమొగంబులన్ గణనకు నెక్క పద్యపదగద్యనిబంధనచారుసూక్తిధో రణులను సారెకున్ విజయరాఘవశౌరికి నిచ్చుఁగావుతన్.

⁠ 4

క.⁠

పక్షీంద్రుఁ డధికశీతల దాక్షిణ్యవిలోకనామృతస్ఫుటధారన్ బక్షంబు మిగుల నెప్పుడు రక్షింఛుంగాత విజయరాఘవనేతన్.

⁠ 5

1. మభిన్