పుట:మన్నారుదాసవిలాసము (పసపులేటి రంగాజమ్మ).pdf/135

పంచమాశ్వాసము

117

⁠

బచ్చవిల్తునికేళిని బాగుమీర విజయరాఘవుఁ డేలెను వింతరతుల.

⁠ 107

సీ.⁠

ఓరి! బడలితి నంచు నువిద యప్పుడు బల్కఁ         బను లానతిమ్మని పలికె విభుఁడు మడుపు లందించిన మగనికి నప్పుడు         పుక్కిటివిడె మిచ్చె పొలఁతి వేడ్క నొయ్యారమునఁ జేరి యురమున నొరగినఁ         బ్రేమను సురఁటిచేఁ బ్రియుఁడు విసరె రతిచేత బడలిన రమణి పాదంబులు         ప్రాణేశుఁ డొత్తెను బాగుమీర

⁠

తే.⁠

బరఁగ నవ్విలాసవతి మున్ బల్కినట్టి పలుకు లొకరొకరితోఁ దాము బలుకుకొనుచు సరససల్లాపములు సేయు సమయమునను విజయరాఘవుఁ డప్పుడు వెలఁదితోను.

⁠ 108

ఏకశయ్యావిరహము

సీ.⁠

కొమ్మరో! నీగొప్పకొప్పుపూవులు వాడెఁ         జంపకసరములు సరవిఁ జుట్టు మనిన నీసమయంబునందు నౌర! విభుండు         తనదు మోహపురాణిఁ దలచెఁ ననుచు నలుక నెమ్మదిఁ బూని యవ్వలిమొగ మయి         పవళించియున్నట్టి భామఁ జూచి నేరములే కల్గ కారణం బేమని         తాను నవ్వలిమోముగా నతండు

⁠

తే.⁠

నపుడు పంజరమున నున్నయట్టి చిలుక చక్కెరల ముద్దుబెట్టరా సామి! యనిన మతిని శుకవాణిపలుకని పతి మగుడఁగ వెలఁది యవ్వలి మోమౌచుఁ బతినిఁ గలసె.

⁠ 109