పుట:భక్తిరసశతకసంపుటము 3.pdf/629

⁠

ధూమసుతుండు పైకి నొకదుప్పటి యిమ్మని యంగలార్చె నీ కేమిపరాకొ పుత్రులకు నివ్వనివాఁడవు మాకు నిత్తువే భూమిని కాళహస్తి ఫణిభూషణ సాంబశివా మహాప్రభో.

⁠ 54

ఉ.⁠

భీమ మహేశ్వరా పిలువ పేరును నీవె ధరించుకొందు నీ భామకు రాగిసొమ్ముల నపారముగా ధరియించినావు చి న్నామెకు జీరె యివ్వక ననాథనుగా నొగిఁ జేసినావు నీ కేమి దరిద్ర మొందె యపకీర్తి యెఱుంగక చేసి యట్టు లీ భూమిని కాళహస్తి సురపూజిత సాంబశివా మహాప్రభో.

⁠ 55

చ.⁠

కరివరదాంఘ్రిజా నగహితాత్మజ దారువనంగనామణీ తరుణులఁ బాసి యుగ్రజపతర్పణహోమము నిల్పి ప్రోదినా హార్యము? మించి యీడిగెవధూమణితోఁ జని కల్లుకుండలోఁ జొరబడి యూపిరాడక యుసూరని నీవె తపించి తంతగా విరహమటయ్య కంచిపృథివీశ్వర సాంబశివా మహాప్రభో.

⁠ 56

ఉ.⁠

పండితసన్నుతాంఘ్రి యొకభక్తుఁడు పుత్త్రుని జంపి కూరగా వండి భుజింపఁజేసెను మఱి యొక్కమహాత్ముఁడు నీకు భృత్యుఁడై యుండి కళత్ర మిచ్చె ననువొందగ జూచి మఱొక్కభక్తుఁడున్ మెండుగ ఱాళ్ళు రువ్వె పరమేశ్వర భక్తులజాడ యెంతయు ద్దండమొ కాళహస్తి యతివందిత సాంబశివా మహాప్రభో.

⁠ 57