బాత్రంబంచు భజింపఁబోదు రిదియున్భావ్యంబె యెవ్వారి చా
రిత్రంబెన్నఁడు మెచ్చనెంత మదిలో శ్రీకాళహస్తీశ్వరా!63
మ. అకలంకస్థితి నిల్పి నాదమను ఘంటారావమున్‌ బిందు దీ
పకళా శ్రేణి వివేక సాధనములొప్పన్బూని యానందతా
రక దుర్గాటవిలో మనోమృగము గర్వస్ఫూర్తి వారించు వా
రికిఁగా వీడు భవోగ్రబంధలతికల్‌ శ్రీకాళహస్తీశ్వరా!64
మ. ఒకయర్థంబును నిన్ను నే నడుగఁగా నూహింప నెట్లైన బొ
మ్ము కవిత్వంబులు నాకు జెందవని యేమోయంటివా నాదు జి
హ్వకు నైసర్గిక కృత్యమింతయు సుమీ ప్రార్థించుటే కాదు కో
రికల న్నిన్నును గాన నాకు వశమా శ్రీకాళహస్తీశ్వరా!65
మ. శుకముల్కింశుకపుష్పము ల్గని ఫలస్తోమంబటంచు న్సము
త్సుకతం జేరఁగఁబోవ నచ్చట మహాదుఃఖంబు సిద్ధించుఁ గ
ర్మకళాభాషలకెల్లఁ బ్రాపులగు శాస్త్రంబుల్విలోకించు వా
రికి నిత్యత్వమనీష దూరమగునో శ్రీకాళహస్తీశ్వరా!66
మ. ఒకరింజంపి పదస్థులై బ్రదుకఁ దామొక్కొక్కరూహింతురే
లొకొ తామెన్నఁడు జావరో? తమకుఁ బోవో సంపదల్‌? పుత్త్రమి
పుట:భక్తిరసశతకసంపుటము 3.pdf/59
ఈ పుట అచ్చుదిద్దబడ్డది
