పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/97

90

బ్రహ్మోత్తరఖండము

సీ.⁠

ఆబాలకునితల్లి యరుదెంచి మమతచే         భుజియింప రమ్మని పుత్త్రుఁ బిలువ మునిపోల్కి నున్నయాముద్దులపాపని         పలుమాఱుఁ జీరినఁ బలుకకున్న డగ్గర నేతెంచి తాడనంబులుసేయ         స్థాణువుపగిది నిశ్చలతనుండ నతినిష్ఠురోక్తుల నదలించి బెదరించి         కోపంబు దీపింప గోపికయును

⁠

తే.⁠

మారుమాటాడకున్న కుమారు దిట్టి కొట్టి చాలించి యచ్చోటఁ దిట్టమైన పూజయంతయు జెరిచి దుర్బుద్ధి యగుచు దూరముగ నశ్మలింగంబుఁ బాఱవైచె.

⁠ 208

క.⁠

కొంతవడికి నాబాలకుఁ డెంతయుఁ గనుదెఱచి చూచి యిది యేమియొకో వింత యటంచును మదిలోఁ జింతింపుచు రోదనంబు సేయఁ దొడంగెన్.

⁠ 209

వ.⁠

ఇవ్విధంబున నాగోపబాలకుండు కొంతప్రొద్దునకు విగత శోకుం డై యిక్కార్యంబు మదీయజననీకృతంబు గావ లయు నని మనంబున నిశ్చయించి తద్దోషపరిహారార్థంబుగా నప్పరమేశ్వరుని ధ్యానం బొనరింపుచు నిట్లని స్తుతియించె.

⁠ 210

క.⁠

పరమేశ్వర శివశంకర కరుణాకర నీలకంఠ గజచర్మధరా గిరిపుత్త్రికామనోహర పురహర ననుఁ బ్రోవు మఖిలభూతశరణ్యా.

⁠ 211