పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/41

34

బ్రహ్మోత్తరఖండము

⁠

యక్కన్యకకుం దగినవరుం డెవ్వం డగునో యని విచారింపు చుండె నాసమయంబున.

⁠ 68

క.⁠

విధుకులనృపపాలితమై మధుభోజాంధకదశార్హమానిత మగుచున్ బుధజనరంజనకరమగు మధురాపురి వెలయు ధరణిమండన మనఁగన్.

⁠ 69

మ.⁠

మదనప్రోజ్జ్వలవిగ్రహుండు మృదువాఙ్మాధుర్యధుర్యుండు దు ర్మదవైరిక్షితిమండలేంద్రగజహర్యక్షుండు దక్షుండు శ్రీ యదువంశాంబుధిపూర్ణచంద్రుఁ డన దాశార్హక్షమాపాలకుం డుదితార్కప్రతిమానతేజుఁ డొకఁ డుండుం దత్పురం బేలుచున్.

⁠ 70

క.⁠

ఆరాజతనయుఁ డభినవ తారుణ్యవిలాసశౌర్యధైర్యాదిగుణో దారుం డని జను లెన్నఁగ ధారుణిలోఁ బేరు గాంచె ధార్మికమతి యై.

⁠ 71

క.⁠

ఆదాశార్హమహీశుని సాదరమతిఁ బిలువనంపి సమ్మద మొదవన్ వేధోక్తవిధి వివాహము గాదిలిసుత నిచ్చి చేసె గాశీవిభుఁడున్.

⁠ 72

వ.⁠

సకలజననయనోత్సవంబుగా దాశార్హమహీపాలునకుఁ దననందన యగు కళావతిని బాణిగ్రహణంబు చేయించి హయగజ స్యందనవిలాసినీశతంబులు గోసహస్రంబులు నపరిమితంబు లైనసువర్ణమణిమయాంబరాభరణంబులును నాదిగాఁ గల

⁠