పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/39

32

బ్రహ్మోత్తరఖండము

సీ.⁠

ప్రతిదివసంబును బ్రత్యూషవేళల           సరసపుణ్యోదకస్నాతుఁ జేయుఁ బ్రకటసౌవర్ణశాటికలు గట్టఁగ నిచ్చు           ఘుమఘుమామోదగంధములు పూయుఁ దులసికామాలూరదళముల నర్పించుఁ           బరిమళధూపదీపంబు లొసఁగు భక్ష్యభోజ్యంబులఁ బరితుష్టిఁ గావించుఁ           దగ శీతజలముల దప్పి దీర్చు

⁠

తే.⁠

హస్తపాదాంబురుహశుద్ధి యాచరించు నాచమింపఁగఁ జేయు హిమాంబువులను మృదులశయనతలంబునఁ బదములొత్తు నాకళావతి లబ్ధవివేకి యగుచు.

⁠ 59

క.⁠

ఈరీతిఁ గొన్నిదివసము లారాజతనూజ మౌని నారాధింపన్ కారుణ్య మొదవి తాపసుఁ డారమణీమణికి నిట్టు లనియె ముదమునన్.

⁠ 60

ఆ.⁠

బాల వినుము నీసుశీలవృత్తములకు వినయమునకు నీవివేకమునకు నిజము మెచ్చినాఁడ నీకుఁ బంచాక్షరి నిత్తుఁ గొనుము వేగఁ జిత్త మలర.

⁠ 61

వ.⁠

అని పలికి.

⁠ 62

క.⁠

అక్షీణకృపాకలితక టాక్షామృతదృష్టిఁ జూచి యమ్మునిచంద్రుం

⁠