పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/252

చతుర్థాశ్వాసము

245

⁠

నయ్యాత్మజునిఁ బ్రేమ మలరఁ గౌఁగిటఁ జేర్చి        కరుణతొఁ దనపత్ని గారవించె

⁠

తే.⁠

నంత నిషధేంద్రపూజితుం డై యతండు భార్యయును దాను శృంగారభరితు లగుచుఁ గొడుకుఁ గోడలి నపుడుఁ దోడ్కొనుచు వచ్చి రగణితవిలాసమున నాత్మనగరమునకు.

⁠ 220

క.⁠

హృద్రాజీవస్థాపిత రుద్రుని మహిళాసమేతు రుచిరాకారున్ భద్రాచారుని నృపసుతు భద్రాయువుఁ గాంచి రపుడు పౌరులు ప్రీతిన్.

⁠ 221

సీ.⁠

ఈవిక్రమాఢ్యుఁడే యెలనాఁగ మాగధ         బలవితానంబుల భంగపఱిచె నీయశస్కాముఁడే హేమాంగి మును తన         జనకుని బంధముక్తునిగఁ జేసె నీపుణ్యపురుషుఁడే యింతి యస్మద్ధన         పశుధాన్యములఁ గృపాపరత నొసఁగె నీశుభాచారుఁడే యేణాక్షి ఋషభాఖ్య         గురుకటాక్షముఁ గాంచి కుశలుఁ డయ్యె

⁠

తే.⁠

నితనితలిదండ్రులు దలంప నెంతపుణ్యు లేమి తప మాచరించెనో యితనిసాధ్వి యనుచు సతు లెల్ల సౌధాగ్రవీథి నుండి పరఁగ జూచిరి కన్నులపండువుగను.

⁠ 222

మ.⁠

శివనామస్మరణంబుతో ద్విజకులాశీర్వాదనాదంబుతోఁ గవివైతాళికమాగధస్తుతులతో గాణిక్యగానంబుతో

⁠