పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/181

174

బ్రహ్మోత్తరఖండము

శా.⁠

ఛందోవ్యాకరణప్రతర్కఘనశిక్షాజ్యౌతిషప్రక్రియా సందర్భంబు లుపన్యసింపుచును రాజశ్రేష్ఠు మెప్పించి సా నందస్వాంతునిగా నొనర్చి వివిధామ్నాయోక్తమంత్రాళిచే సింధూరద్రవమిశ్రితాక్షతఫలాశీర్వాదము ల్చేసినన్.

⁠ 212

క.⁠

మెచ్చి నరపాలుఁ డప్పుడు మచ్చికతో ననియె నాకుమారవరులతో నిచ్చటికి మీర లిరువురు వచ్చుటకును హేతు వెద్ది వచియింపుఁ డనన్.

⁠ 213

ఆ.⁠

వార లిట్టు లనిరి వసుధేశు గనుఁగొని విత్తవిరహితులము విప్రవరుల మట్లుగాన నిచటి కస్మద్వివాహార్థ మరుగుదెంచితిమి ధనాభికాంక్ష.

⁠ 214

క.⁠

అని వారు దెలియ నుడివిన విని యానృపకుంజరుండు విప్రాత్మజులం గనుఁగొని యిట్లని పలికెను ఘనహాస్యరసంబు బాహ్యకము కాకుండన్.

⁠ 215

సీ.⁠

విప్రనందనులార వినుఁడు నావచనంబు         విపులార్థసంసిద్ధి వెలయు మీకు సదమలచారిత్రి చంద్రాంగదునిపత్ని         సీమంతిని యనంగఁ జెలువు గాంచి సోమవారంబున సోమశేఖరుపూజ         లాచరింపుచును నిరంతరంబు దంపతిపూజ లత్యద్భుతంబుగఁ జేసి         తుష్టిగా నొసఁగు నభీష్టధనము

⁠