పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/173

166

బ్రహ్మోత్తరఖండము

మ.⁠

కలమాన్నంబులు పాయసంబులును శాకానీకము ల్గోఘృతం బులు పచ్చళ్లు పదంశకాళిమధురావూపంబులుం జారులున్ జలము ల్తేనియ లానవాలు పెరుగు ల్సంతుష్టిగా బంధుమం డలితో భవ్యముగా భుజించిరి విశిష్టప్రీతి నాదంపతుల్.

⁠ 169

తే.⁠

భోజనానంతరమునఁ దాంబూలసురభి గంధమాల్యాద్యలంకారకలితుఁ డగుచు మిత్రబాంధవభృత్యసమేతముగను సరససల్లాపముల నుండుసమయమునను.

⁠ 170

ఉ.⁠

హల్లకగంధు లంతఁ బరిహాసము లొప్ప వరాన్వితోల్లస త్ఫుల్లకుసుంభకింశుకసుపుష్పరసంబులు మేనులందు రం జిల్లఁ బరస్పరంబుగను జిమ్మనగ్రోవుల నించి ఱొంపిగాఁ జల్లుచు బాంధవంబున వసంతము లాడిరి సంభ్రమంబుగన్.

⁠ 171

శా.⁠

రూపస్తుత్యుఁడు ధర్మరక్షణవిచారుం డైనచంద్రాంగద క్ష్మాపాలుండు నిజాంగనామణికి మున్జక్షుశ్శ్రవస్వామిచేఁ దా పాతాళమునందుఁ దెచ్చిన మహోద్యద్దివ్యభూషామణీ లేపస్రగ్వసనాదికంబు నొసఁగెన్ లేనవ్వు మోమొప్పఁగన్.

⁠ 172

క.⁠

అంతట మణిభూషణహరి దంతఘుమంఘుమితగంధదామాన్విత యై యెంతయుఁ దేజంబున సీ మంతిని విలసిల్లె సర్వమంగళపగిదిన్.

⁠ 173

వ.⁠

అంత.

⁠ 174

మ.⁠

శరజన్మప్రతిమప్రతాపనిధి యాచంద్రాంగదుం డంత భా స్వరజాంబూనదచంద్రకాంతమణిరాజత్కుడ్యభాగంబుబం ధురనీలామలవజ్రవేదికము కస్తూరీవిలిప్తంబు భా

⁠