పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/167

160

బ్రహ్మోత్తరఖండము

⁠

సరసతరాహ్నికము దీర్చి జగతీపతి భూ సురబంధుమిత్రయుతముగఁ బరువడిఁ గూర్చుండెఁ దత్సభామధ్యమునన్.

⁠ 141

శా.⁠

కాళిందీసలిలాంతరాళమున నాగస్థానమున్ జేరి ర త్నాలంకారచయంబు తక్షకమహానాగేంద్రుచేఁ గొంచు ని చ్ఛాలీలం జనుదెంచి నేఁడు మరలన్‌ జంద్రాంగదుం డంచు నీ లీలం బంపెను జిత్రవర్మకడకున్ లేఖార్థసంవాహులన్.

⁠ 142

సీ.⁠

సప్రాణుఁ డైయున్నచంద్రాంగదునివార్త         చిత్రంబుగా విని చిత్రవర్మ సంతతచింతావిచారంబులను మాని         సకలబాంధవమిత్రసహితముగను బౌరులు సంతోషపారవశ్యము నొంది         సొంపు దీపింపఁ జాటింపఁ బనిచె లేఖార్థవాహకాళికిఁ బ్రీతి మృష్టాన్న        రాజితాభరణాంబరంబు లొసఁగి

⁠

తే.⁠

యపుడు నిజపుత్త్రి రావించి కృప దలిర్పఁ బూర్వభూషితనవరత్నభూషణములు మేన శృంగార మొనరించి మేరుధీరుఁ డతఁడు హర్షాంబునిధి నోలలాడుచుండె.

⁠ 143

వ.⁠

ఆసమయంబున.

⁠ 144

మ.⁠

యమునాస్నాన మొనర్పఁబోవునెడ నశ్వారూఢుఁడై వచ్చి నె య్యముతో మత్కర మంటికొన్నిహితవాక్యంబు ల్ప్రసంగించి చ న్నమహాత్ముండె మదీయభర్త యని యానందించెఁ జంద్రాంగద ప్రమదారత్నము శాంకరవ్రతమహత్త్వం బాత్మ భావింపుచున్.

⁠ 145