పుట:ప్రభావతీప్రద్యుమ్నము (పింగళి సూరన).pdf/30

క.⁠

కనియెన్ గుప్పన సూరన యనుపుత్త్రుని నతనిపుత్త్రు లగు బాపయ భ ద్రన కుప్పార్యుల కాత్మజు లనేకు లెఱ్ఱయ్య పాపయాదులు ప్రాజ్ఞుల్.

⁠ 22

క.⁠

జనియించెను రామనకుం దనయుఁడు గంగన్న గంగనకు గాదన గా దనకుం బెద్దయ మొదలుగ ననేకు లీగతిఁ దదన్వయము శోభిల్లున్.

⁠ 23

తే.⁠

ఇట్లు పుత్త్రపౌత్త్రాదుల నెసఁగునట్టి సోదరులు దన్ను మిక్కిలి నాదరింప నలఘుసాద్గుణ్యసౌభాగ్యకలితుఁ డగుచు గంగనామాత్యు సూరయ కరము వెలసె.

⁠ 24

ఉ.⁠

పింగలి గంగమంత్రివరుబిడ్డకు సూరనకుం బదాబ్జరే ఖం గలకాంతికే వలచి కైవస మయ్యెను రాజ్యలక్ష్మి దా బంగరుకామకుంచెలును బల్లకియు న్మొదలైనయాత్మస ర్వాంగసమృద్ధితోడ సిరి కంబుజరేఖలప్రేమ వింతయే.

⁠ 25

తే.⁠

సూరనిభుఁ డైనపింగలిసూరవిభుని దొరయఁ బోఁ డొరుఁ డలవేల్పుదొరయ కాని యతనిదానము సిరికి నియతనిదాన మర్థు లప్పుడు దానసమర్థు లైరి.

⁠ 26

క.⁠

సూరయమంత్రికిఁ గలిగెను సూరయమంత్రియ యనంగ సుతరత్నము కం ఠీరవమున కెందును గం ఠీరవము జనించునట్టినియమము దోఁపన్.

⁠ 27