పుట:ప్రభావతీప్రద్యుమ్నము (పింగళి సూరన).pdf/129

⁠

వలు గొనుచుండఁ జేరి తగువర్తన నొప్పుచుఁ ద న్నతండు వ త్సలతయు గారవంబు వెదచల్లెడుమాటల నాదరింపఁగన్.

⁠ 54

వ.⁠

తదీయరత్నసింహాసనసమీపంబునఁ బ్రవర్తిల్లుచు నల్లన ప్రసంగంబు దిగిచి సవినయమధురభాషణంబుల ని ట్లనియె.

⁠ 55

క.⁠

మనబొడ్డనబావులలో ననుదినముఁ జరించునoచలం దొకహంసాం గన యేమి చెప్పఁ దండ్రీ కని విని నే నెందు నెఱుఁగ గని విద్యలకున్.

⁠ 56

చ.⁠

శుచిముఖి యండ్రు దానిని వచోనిపుణత్వమునందు సత్కథా రచనలయందు నీతివిదురత్వమునందు బహుశ్రవోవలో కచణతయందు నెందు సరి గానము దానికి వేయు నేల దా నిచతురతావిశేషములు నీవ కన న్వలయు న్మహాత్మకా.

⁠ 57

తే.⁠

అనుడు నాదైత్యపతి తనయనుఁగుఁగూఁతు మాట లొకముద్దు సేయుచు బోటిఁ బనిచి యమ్మ రప్పింపవే చూత మమ్మరాళి ననియె నింతియు రప్పించె హంసి నపుడ.

⁠ 58

వ.⁠

రప్పించి ముందట నిడుకొని శుచిముఖి నీదువిద్యావిలసనంబు విన్నవించిన నయ్య వినవలయు నని వేడుక పడుచున్న వాఁడు శాస్త్రప్రసంగంబు సేయు మనిన నదియును.

⁠ 59

క.⁠

వీనులకు సుధారసముల సోనలు వర్షించుమృదులసుస్వరఫణితిం దా నిట్టట్టు గ్రుక్కక పని లేనిపునఃపదము లిడక లీల దలిర్పన్.

⁠ 60