పుట:ప్రభావతీప్రద్యుమ్నము (పింగళి సూరన).pdf/122

⁠

మీవల్లభులశుభస్థితి నావెరవునఁ దెలిసి వత్తు నమ్ముఁడు మదిలోన్.

⁠ 20

తే.⁠

మఱియు నప్పటికొలఁదిని మంతనముగఁ జేరి మీకోర్కిఁ జెప్ప వచ్చినను జెప్పి మాఱుమాట యేఁ దెచ్చెద మానసముల నన్యచింతలు మాని న న్ననుపుఁ డనుచు.

⁠ 21

వ.⁠

ఏను మద్విరహాసహత్వంబునం జేసి వారు లనుపం జాలక యనుమానించినను మానక యపుడ కదలి ద్వారకా పురంబున కరిగి నాచేత నైనపాటిగమనకార్యంబు సాధించు కొని తిరిగి వచ్చునప్పు డాలేఖ యట్లు ప్రాప్తం బయ్యెఁ దత్ప్రకారంబును వినిపించితి నన్నుఁ బ్రభావతి చూచి గుఱు తెఱింగెనేని చంద్రవతీగుణవతులకు నేమి కొఱ గామి సంఘటిల్లునో యని తలంకెద నవ్వనితలకు మత్పున ర్దర్శనంబునకై మితి పెట్టినదినంబు నేఁడ కావున నెంత వంతం బొరలుచున్నవారో వారికిం బొడసూపవలయు న న్ననిపి యనుగ్రహింపుము.

⁠ 22

తే.⁠

ఘనపయోవృష్టికిని జాతకములు వోలెఁ గొమరువెన్నెలకును జకోరములు వోలె భాస్కరోదయమునకు నబ్దములు వోలె నెదురుచూతురు నారాక కిందుముఖులు.

⁠ 23

వ.⁠

అనుటయు.

⁠ 24

ఆ.⁠

ఏను నిన్ను విడువ కిట్ల వచ్చెద నీవు చెప్పినంతవట్టు నప్పడఁతులఁ

⁠