పుట:ప్రబోధచంద్రోదయము.pdf/196

⁠

నాస్తికులు గెల్వ నొక్కటౌ నాగమములు తత్త్వమే చెప్పుఁగాన భేదంబు లేదు.

⁠ 64

శా.⁠

తత్త్వం బవ్యయ మచ్యుతం బమల మద్వంద్వం బనాకార మా తత్త్వంబే గుణయుక్తమైన హరిరుద్రబ్రహ్మముఖ్యాఖ్యమౌఁ దత్త్వార్థం బిది వేఱె చెప్పు బహుశాస్త్రప్రోక్తమార్గంబు తత్త్వం బందె యడంగుఁ జూడగ సముద్రం బందు నేర్లుం బలెన్.

⁠ 65

వ.⁠

అప్పుడు.

⁠ 66

క.⁠

కరిఁ గరి హరి హరి నరదం బరదము భటు భటుఁడుఁ దాఁకి యయ్యిరుమొనలన్ సరిఁ బోరిరి శరముద్గర కరవాలప్రముఖశస్త్రఘట్టన మమరన్.

⁠ 67

మహాస్రగ్ధర.⁠

ప్రవహించెన్ సైనికాళీపలలనికరముల్ పంకము ల్గా మధేభ ప్రవరోత్తుంగాంగశైలప్రకరహతరయాపాండురచ్ఛత్రిపంక్తుల్ కవలై క్రీడించుచక్రాంగములగములుగాఁ గంకముల్ రంకముల్ గా వివిధాస్త్రచ్ఛిన్నభిన్నద్విషదవయవజోద్వృత్తరక్తస్రవంతుల్.

⁠ 68

వ.⁠

ఏతాదృశరుధిరప్రవాహావగాహకౌతూహలవిహితకోలహలవాచాల భూతభేతాళవిహరణకారణంబును ఖడ్గఖడ్గసంప్రహరణస్పురస్ఫుట విస్ఫులింగాలింగితపతంగకిరణంబును విశంకటకిరీటఘటితవీరవర శిరఃకరోటిమస్తిష్కశోషకస్యేనపటుత్రోటికోటివిరచితమణివికర ణంబును భూతనాథాంగీకృతనూతనకపాలమాలికాభరణంబును నైన మహారణంబున మహామోహుపంపున నెరజార నేయుపాషండాగమంబులకు నగ్రేసరం బైనచార్వాకతంత్రంబు కాలుమట్లనె పోయె ఖండితపాషండా గమంబులై విజృంభించుచుండుననియు సదాగమంబులఢాకకుం గాక

⁠