పుట:ప్రబోధచంద్రోదయము.pdf/194

గీ.⁠

తలఁకుచున్నా ననఁగ దేవితలఁపునందు నిట్టిదయ గల్గఁగా వివేకేశ్వరునకుఁ గాలు ములు గాఁడునే సదా మేలె గాక వెఱపు వలదన శాంతితో విష్ణుభక్తి.

⁠ 56

క.⁠

తనవారలయభ్యుదయము తనకన్నారఁ గను గన్న దాఁకను హృదయం బనిశంబు నపాయాశం కను దామరపాకునీరుగతిఁ దల్లడిలున్.

⁠ 57

వ.⁠

విశేషించి శ్రద్ధాదేవిరాక తడవగుటంజేసి డెందంబు గుందుచున్నదని పల్కుచున్నంత నావిష్ణుభక్తిమహాదేవిన్ డగ్గఱి శ్రద్ధావధూటి సాష్టాంగ దండప్రణామంబు గావించి యద్దేవి యడుగం దనసేమం బెఱింగించి తనకూఁతురు శాంతి మ్రొక్కినఁ గౌఁగిలించి విష్ణుభక్తిమహాదేవిసమ్ము ఖంబున నిలువ నద్దేవి శ్రద్ధాంగనా! యుద్ధవృత్తాంతం బెఱింగింపు మనిన బద్ధాంజలియై శుద్ధబుద్ధస్వరూపిణి నగు నీతో విరుద్ధపడు దురాత్ములకుఁ దగిన యట్లయ్యె నవ్విధంబు సవిస్తరింబుగా విన్నవించెద నీవు హింసా ప్రయాససమరంబు చూడఁజాలక యిచ్చటికి విచ్చేసినవెనుక బలబల వేగుటయు నుభయపక్షంబులం గలబలంబులు విజయఘోషణాహూయ మానానేకవీరభటసింహనాదబధిరితరోధోంతరంబును బృథులరథ తురగఖురఖండితభూమండలోద్ధూతధూళిధూసరితభాస్కరంబును సముత్తాలకర్ణతాళస్ఫాలనోచ్చలత్సమదకరికుంభసిందూరసంధ్యాయ మానదశదిశాముఖంబును బ్రళయజలధీరధ్యానభీషణపటహఘోషణం బునుగా మోహరించునప్పుడు వివేకమహారాజు మోహునికడకు నైయా యికదర్శనంబు రాయబారంబు పంపినం జని యిట్లనియె.

⁠ 58

శా.⁠

ఈకాశీముఖదివ్యతీర్థముల వాహిన్యద్రిసీమంబులన్ శ్రీకాంతారమణాలయంబుల శివక్షేత్రంబులన్ బుణ్యసు శ్లోకస్వాంతములందు నుండక పో కాలుం డట్లు పోకుండినన్ మీకాయంబుల మాంసఖండము లనిన్ మెక్కున్ బిశాచావళుల్.

⁠ 59