అదియు మహాప్రసాదంబని మురిపంపునడకల జైనుడగ్గఱంజని కలకల
నవ్వుచుఁ గలికిచూపుమెఱుంగుల ధైర్యతిమిరంబు విరియించి కాంచన
చషకధగద్ధగాయమానదోర్మూలరోచులవీచులు వెల్లివిరియ ఘల్లుఘల్లున
గంకణఁబులు మొరయ హస్తమస్తకసంయోగంబు చేసి వదనమదిరామో
దంబునం దదీయదుర్వాసన వీసరపుచ్చం గర్ణంబునం బిసపిస నసమశర
మంత్రంబు చెప్పి గొప్పచనుగుబ్బలు ఱొమ్మున గాడిపాఱ బిగియఁ గౌఁగి
లించిన వాఁడు నంచనంచలై రోమాంచంబు ముంచుకొన నంతఃకరణంబు
గిలిగింతలు వోవ "నర్హంత" “యర్హంత" యనుచు నంతకంతకు
నింద్రియవికారంబు బలవంతంబై సంధిల్ల నల్లల్ల నెమలిపించియంబునం
గప్పుకొనుచు నొప్పులకుప్పయగు నప్పడంతిఁ బేర్కొని నాకోర్కిసఫలం
బుగాఁ బునఃపునరాలింగనంబు గావింపుము శ్రావకీజనంబులు నీకాలి
గోరునం బోరు నీదర్శనంబుగదా సౌఖ్యమోక్షసాధనం బని పలికి కాపా
లికుం గనుంగొని యోకాపాలికచర్యా! నాకు మహాభైరవమతం బుపదే
శింపు మనిన సిద్ధుండు బౌద్ధక్షపణకులం గూర్చుండఁబెట్టుకొని కరతలం
బున నున్న కపాలభాజనంబుఁ దప్పకచూచి బైరవధ్యాననిమీలితనేత్రుం
డైనమాత్రంబునఁ దత్పాతంబు మదిరారసంబున నిండినఁ దా గొంత
యాస్వాదించి శేషంబు బిక్షుక్షపణకుల కిచ్చుచు.