ప్రతిక్షణక్షయశీలంబులు లోపల సత్తును వెలుపల నసత్తును నగుధీపరంపరల
వలన నీభావంబులు తోఁచుచుండు. నిట్టిధీపరంపరయు వాసనారహితంబు
గావున విషయానుభవదోషంబులు లేవు. భోగమోక్షంబులు గలయది
సౌగతధర్మంబు తక్కినధర్మంబులఁబోలె వనవాసంబుల బ్రహ్మచర్యాది
ప్రయాసంబులఁ గుందక మనోహరమందిరంబుల వసియింపుచు, మృదుల
శయనంబుల శయనింపుచు, నచ్చపువెన్నెలరేలు వృథపుచ్చక నిచ్చలు
నిచ్చకు వచ్చుమెచ్చుల కొమరుముచ్చెకంటులఁ బచ్చవిల్తులీలం దేలింపుచు
సుఖియింపవచ్పు; ముక్తియుఁ బడయవచ్చు. సర్వసంస్కారంబులు క్షణి
కంబులు నాత్మ యస్థిరంబు గావున భిక్షుకులు తమదారల నాక్రమించిన
నుపాసకులకు నీసడింపరాదు చిత్తమలం బగునీర్ష్య కొఱగాదు లోపల
సుగతియు దుర్గతియు నాకు నిప్పుడు దివ్యదృష్టిఁ గానిపించి యున్నయవి
యని పల్కి బౌద్ధశ్రద్ధ నాకర్షించి భిక్షకుల నుపాసకుల నాలింగనంబు
చేయు మనిన మహాప్రసాదం బనుచు నది యట్లు గావించిన శాంతి విలోకించి
కరుణా! యిదియు నల్లప్పటి దిగంబరసిద్ధాంతశ్రద్ధం బోలిన తామసియ
సుమీ యని భయంబు దెల్పనవసరంబున జైనసిద్ధాంతుడు బౌద్ధసిద్ధాంతుం
గనుంగొని పేర్కొని యిట్లనియె.
