పుట:ప్రబోధచంద్రోదయము.pdf/127

⁠

యనుకరించు ననసూయారుంధతీశ్వేత                           పతుల నేకళ్యాణివర్తనంబు

⁠

గీ.⁠

మానసంబెల్లఁ గరుణ యేమానవతికిఁ బలుకులెల్లను నమృత మేభాగ్యవతికి నట్టినారమ్మ పత్నిగా నమరుశాంతి సంగతవివేక మనఁగ నీగంగవిభుఁడు.

⁠ 14

చ.⁠

మరగినకామధేనువులమందలు, సిద్ధరసప్రవాహముల్ దొరికినకల్పవృక్షములతోఁటలు, జంబునదీసమూహముల్ సురపతిరత్నపుంజములు, శుద్ధసుధాఘుటికల్ కవీశ్వరో త్కరముల కీయనంతవిభు గంగనమంత్రి కృపాకటాక్షముల్.

⁠ 15

సీ.⁠

మాధవవర్మభూమండలేశ్వరవంశ                           జలధికి నేరాజు చందమామ యేరా జుదయశైల మెలమి విభేదించెఁ                           గపటాహితమదాంధకార మడఁగ గజపతిసురథాణిగడిదుర్గముల కెల్ల                           నేరాజు వజ్రంపుబోరు తల్పు మహిమచే నేరాజు మఱపించె నలభగీ                           రథపృథుమాంధాతృరఘురమణుల

⁠

గీ.⁠

నట్టిగుణశాలి తమ్మరాయనికుమార వీరబసవక్షమాచక్రవిభునిచేత మన్ననలు గాంచి మించిన మహితుఁ డితఁడు మనుజమాత్రుండె గంగయామాత్యవరుఁడు.

⁠ 16

చ.⁠

జలకము మూర్ధ్నచంద్రసుధ షట్కమలంబులఁ బూజధూప ము జ్జ్వలతరబోధశాసననివాళి సుషుమ్నవెలుంగుసౌఖ్యముల్ తలఁపున నీగి బోనము సదా తననాదము ఘంటగాఁగ ని ష్కలుషత నీయనంతవిభు గంగన గొల్చు నిజాత్మలింగతన్.

⁠ 17