పుట:ప్రబంధరత్నాకరము.pdf/88

సంకుసాల సింగయ్య - కవికర్ణరసాయనము [5-3]

సీ.⁠

కంకణఝణఝణత్కారసంకులముగా               సుందరీజనము వీచోపు లిడఁగ నర్హసంగతి నంతరాంతరంబుల మంత్రి               సామంతహితవీరసమితి గొల్వ వివిధప్రధానాదివిజయాదినిజగుణ               ప్రకరంబు ప్రౌఢపాఠకులు సదువ స్వమహితైశ్వర్యానువాదరూపంబుగాఁ               జేయెత్తి విబుధు లాశీర్వదింప

⁠

తే.⁠

వేత్రధరనిష్ఠురోక్తివైచిత్రు లెసఁగ నంగ[1]చోళకళింగవంగాదివివిధ సకలదేశాధిపతులు దర్శనము పడయ నిండు కొలువుండె మాంధాతృనృపవరుండు.

⁠ 21

దామరాజు సోమన – భరతము

సీ.⁠

ప్రాకారములయందుఁ బటుగోపురములందుఁ               ధామ[రమ్యద్వార]సీమలందు విపణిగృహంబుల వెలయు నాయుధహస్త               భటులను హితులుగాఁ బ్రౌఢి నిల్పి రక్షితం బొనరించి రాజబింబద్యుతుల్               మించికాయుచునున్న మంచివేళ మహిమ నాప్త[2]బుధైకమధ్యస్థలమునందుఁ               జెలఁగి రత్నాసనాసీనుఁ డగుచు

⁠

ఆ.⁠

నర్తకేళి[లాస్య]నటనాగతులచేత శాస్త్రసమ్మతముగ జనులకెల్ల వేడ్క సూపి మఘవవిభవుఁడై కొలువుండ వలయు విభుఁడు నిఖిలకళలు నెఱిఁగి.

⁠ 22

1. క.సింహ
2. చ.సుబంధు