పుట:ప్రబంధరత్నాకరము.pdf/71

తా.⁠

బాలశైవాలవల్లరీజాలకంబు బాడబానలభవధూమపఙ్క్తి గాఁగ వారిరాశియుఁ బోలె గంభీరమైన ఘనతటాకంబుఁ గాంచె నా జనవిభుండు.

⁠ 260

నంది మల్లయ్య - మదనసేనము

సీ.⁠

పరిఫుల్లహల్లకప్రభలు నిండినచోట               సాంధ్యరాగద్యుతి చౌకళింప వికచనీలోత్పలప్రకరస్థలంబుల               గిఱికొన్న చీఁకట్లు గ్రేళ్ళు దాఁట నిర్ణిద్రకుముదవనీప్రదేశంబులఁ               దేఁటవెన్నెల పిల్ల తీపు లాడ వికసితకనకారవిందబృందంబులు               బెరయు నీరెండఁ బింపిళ్ళు గూయఁ

⁠

తే.⁠

బగలు రేయును దమలోనఁ బగలు మాని కలసి మెలసిన బాగులు గడలు కొల్పి విమలమహిమలఁ దనరు నా విమలసరసిఁ జూచి నివ్వెఱపడి రాజసూనుఁ డపుడు.

⁠ 261

కేతన - కాదంబరి

సీ.⁠

దీనిలోపలఁ గొన్నిదినము [1]లుండిన నుష్ణ               కరుఁడైన నట శీతకరుఁడు గాఁడె దీనిలోఁ తెరిగినఁ దానంబురాశిలోఁ               గాదని జలశాయి గాఁపు రాఁడె దీని తియ్యనినీరు దివిజులు [2]త్రావిన               తమ యమృతంబు చేఁ దనుచు ననరె దీని తోయంబులఁ దీర్థమాడిన [3]యంతఁ               బాపాత్ములును మోక్షపదవిఁ గనరె

⁠

ఆ.⁠

యనుచుఁ గొలనినీటి యతిశీతలత్వంబుఁ బఱపు పెంపుఁ దీపుఁ బావనతయు మనుజనాయకుండు గొనియాడి పడివాగె త్రాట హయముఁ దిగిచి తఱియఁ జొచ్చె.

⁠ 262

1. క.లూనిన
2. ట.త్రావి చూచినఁ దమ యమృతంబు చేఁదునారె?
3. ట.నెంత