పుట:ప్రబంధరత్నాకరము.pdf/243

పెద్దిరాజు - ప్రద్యుమ్నచరిత

ఉ.⁠

మీనపతాకకేలిఁ దమ మేను లెఱుంగక వ్రాలునప్డు సూ న్యూనత తమ్మితేనియల నూనిన తేంట్లన నొప్పు నచ్చటన్ దౌ నలినారచేతమును నజ్జని వ్రేళ్ళను బెల్లగింపఁగాఁ బూని య[నే]కరూపములఁ బుట్టినభంగిఁ గళంకితచ్ఛవిన్.

⁠ 92

జలకేళి

పెద్దిరాజు – అలంకారము [3-117]

క.⁠

నీరజములుఁ జెంగలువలుఁ గైరవములు వీచికలును గరయంత్రపయో ధారలు నావర్తంబులు వారివిహారంబునందు వర్ణము లరయన్.

⁠ 93

[3-118]

చ.⁠

వళులును వీచికావళులు వారిరుహంబులు వక్త్రపంక్తులున్ జెలువగు నాభులున్ [1]నుడులుఁ జేతులు రక్తసరోరుహంబులున్ జలదలకంబులున్ మధుపజాలము వీడ్వడఁ గేలి సల్పి మిం చులు గొను చూడ్కులన్ సతులు సూతురు విశ్వనృపాలమన్మథున్.

⁠ 94

^[2]సంకుసాల సింగయ – కవికర్ణరసాయనము [4-43]

సీ.⁠

కదళిక లను కంటెఁ [3]గరభంబు లను కంటె               నిభకరంబులఁ బోల్చ నిప్పు డనువు చక్రంబు లను కంటె శకటాంఘ్రు లను కంటె               నిసుక[4]తిప్పలఁ బోల్చ నిప్పు డొప్పు గుచ్ఛంబు లను కంటె కుధరంబు లను కంటె               నిఱి జక్కవలఁ బోల్ప నిప్పు [5]డొనరు నద్దంబు లను కంటె నమృతాంశుఁ డను కంటె               [6]నెల తమ్మి [7]గమిఁ బోల్ప నిపుడు తగవు

⁠

ఆ.⁠

నాఁగఁ బొలిచి రంగనలు నీటియాటల కెచ్చరించి [8]తఱియు నెడఁ గొలఁకుల తోయసంగమమునఁ దొడలను బిరుదులఁ వలచనుంగవలను వదనములను.

⁠ 95

1. చ.దిరులు
2. సుంకిసాల
3. కుధరంబు
4. చ.దిబ్బల
5. చ.డొప్పు
6. చ.నేలు
7. చ.ధగ
8. చ.తలియు