పుట:పద్మపురాణము (మడికి సింగన).pdf/288

256

పద్మపురాణము

ఆ.⁠

ద్వాదశిని రమేశుఁ దగుభక్తి నెప్పుడుఁ బూజసేయునట్టి పుణ్యమతుల సప్తజన్మదోషసంచయం బంతయు నణఁగుఁ దత్క్షణంబ యంబుజాక్షి!

⁠ 143

తే.⁠

రాజసూయశతంబుఁ దురంగమేధ యాగశతకంబుఁ జేసినయట్టి ఫలము నొక్కహరివాసరమునందు నుపవసించు ఫలము పదియు నాఱవపాలి పాటికాదు.

⁠ 144

వ.⁠

అట్లు గావున సితాసితపక్షంబుల నుపవసింపని మూఢాత్ములకు విష్ణు లోకంబు దూరంబగు; నేకాదశియందు భుక్తంబు సేయుమన్న వానికి మహాపాపం బనఁ దద్భోక్తలకు నెంతపాపం బని చెప్ప వచ్చు నట్లు గావున నఖిలవర్ణంబులజనంబులకును స్త్రీజనంబులకు నేకాదశీవ్రతం బవశ్యకర్తవ్యంబు.

⁠ 145

ఆ.⁠

ఎనయ నేరికైన నేకాదశీతిథి మిగిలి తల్లి తండ్రి మృతదినంబు వచ్చెనేని నాఁడు వలవదా ద్వాదశిఁ జేయు టర్హమండ్రు శిష్టజనులు.

⁠ 146

వ.⁠

అట్లు కానినాఁడు దేవతలునుం బితరులును నేకాదశిని హవ్య కవ్యంబు లొల్లరు గావున నేకాదశి నుపవాసం బుంట పరమ ధర్మంబు.

⁠ 147

సీ.⁠

దశమి [1]కలయకుండఁ దనరు నేకాదశి నుపవసింపవలయు నుదయవేళ దశమి కలిగెనేని ద్వాదశియందైన [2]నుపవసించుటయును నుత్తమంబు.

⁠ 148

1. గలుగకుండ (హై)
2. నుపవసింపు టదియె యుత్తమంబు (హై)