పుట:పద్మపురాణము (మడికి సింగన).pdf/216

184

పద్మపురాణము

వ.⁠

తత్ప్రభావంబు వినుము మంత్రరత్నంబును ద్వయంబును న్యాసంబును ప్రవత్తియు శరణాగతియు లక్ష్మీనారాయణంబు సర్వఫలప్రదంబు హితంబు ననం బర్యాయనామంబులు గలిగి యొప్పు నిమ్మంత్రంబు నుచ్చరించినం బరితుష్టహృదయుండ నగుదు.

⁠ 18

సీ.⁠

ఆరూఢకులజాతుఁ డతులతపోనిధి          వేదపారగుఁడును విపులయజ్ఞ దానపరుండు తీర్థస్నానపూతుండు          [1]వ్రతి సత్యసంధుండు యతివివేకి సుజ్ఞాని యైనను శుభతరద్వయమంత్ర          మధిగమింపండేని నతని విడువ వలయు భూసురరాజవైశ్యశూద్రాన్వయ         [2]జనములైన నితరజనములైన

⁠

ఆ.⁠

[3]నాదు భక్తి గల్గి మోదిల్లిరేని నీ మంత్రమునకు నర్హమతు లనన్య గతు లనన్యశరణరతుల ననన్యసా ధకులు దీని నెఱుఁగ దక్షు లనఘ!

⁠ 19

ఆ.⁠

ఆర్తులైనవారి కతిశీఘ్రఫలదమౌ నొక్కమాటు మంత్ర ముచ్చరింప [4]దృప్తజాతులైన దేహాంతరంబుల వలన ముక్తు లగుదు రలఘుచరిత!

⁠ 20

1. వ్రతి (ము)
2. ప్రవరులైనను నాదుభక్తి గలిగి (హై)
3. మోదగిల్లిరేని ముఖ్యులు వార లీ (హై)
4. దృప్తజంతులైన (హై)