పుట:పద్మపురాణము (మడికి సింగన).pdf/135

ఉత్తరఖండము-తృతీయాశ్వాసము

103

క.⁠

సురవిభుఁడు గౌతముని [1]సుం దరి నన్యాయమునఁ గవిసి తన్మునిచేతం బరిభవముఁ బొంది యిపు డొక [2]సరసి నొదిగియున్నవాఁడు చౌర్యగతుండై.

⁠ 50

ఆ.⁠

నీతిపథము దప్పి నెఱి వేగపడి సేయు నతఁడు దుఃఖఫలము లనుభవించుఁ గ్రిందు మీఁ దెఱింగి కృతకార్యుఁ డగువాఁడు చేయు కార్యమెల్ల సిద్ధిఁ బొందు.

⁠ 51

సీ.⁠

ఎవ్వఁ డే పని వెంట నే రీతి నేర్పరి          వాని నియోగింపవలయు [3]నంద; హితుఁడు విశ్వాసియు మతిమంతుఁడును నగు          విప్రు నమాత్యుఁ గావింపవలయు; [4]శక్తిభక్తులు గల్గు సద్భటావలిచేత          నంగసంరక్ష సేయంగ వలయుఁ; బ్రజఁ దల్లి పాలించు పగిది భూజనముల          ననుదినంబును దాన యరయవలయు

⁠

తే.⁠

నర్థ మార్జింప నోపెడు నట్టివారి నాజిశూరుల నీతిజ్ఞులైన వారిఁ బాపరహితుల పోలిక బంధుజనుల నరసి ప్రోవంగ వలయుఁ దా నవనివిభుఁడు.

⁠ 52

వ.⁠

మఱియు సప్తాంగసంపన్నుండును సప్తవ్యసనదూరుండును చతురుపాయజ్ఞుండును శక్తిత్రయసమేతుండును షడ్గుణపరాయ ణుండును పరాకృతోపాయ ref>దూరీకృత (ము) </ref>దూరీకరణనిపుణుండును నయా

⁠

1. సతి, నరయగ పాపమున గదిసి యమ్మునిచేతం (హై)
2. సరసిని యొదిగున్నవాడు శౌర్యరహితుడై (హై)
3. నండ్రు (ము)
4. శక్తియుక్తులు (తి-హై)