పుట:పద్మపురాణము (మడికి సింగన).pdf/129

ఉత్తరఖండము-తృతీయాశ్వాసము

97

క.⁠

కలకంఠి మగఁడు శివుతో సొలయక యఱకాలఁ గన్ను చూపినవాఁ డీ పొలఁతుక కెడయాడుట [1]దాఁ బులితోఁ [2]జెరలాట మాడఁబోవుటగాదే.

⁠ 17

ఉ.⁠

ఇచ్చటనుండ నన్నుఁ గని యీ ముని యేమని శాప మిచ్చునో వచ్చిన చేటు వచ్చెనని వామవిలోచనఁ బట్టుకొంటి నే నిచ్చ యెఱుంగ కేమనునొ యీ పని గాదని యూరకుంటినేఁ బచ్చనివింటిజోదు నను బాణపరంపర నొంపుఁ దెంపునన్.

⁠ 18

ఉ.⁠

చూడదు కన్నువిచ్చి మఱి చూచిన నవ్వదు నవ్వి మాఱుమా టాడదు మాట చొప్పడిన నందెడు డెందముగాదు దీనిపై వేడుక యేల పుట్టెఁ గడువేఁదుఱు గొల్పె మరుండు నన్ను నీ చేడియ నెన్నిచందములఁ జెందక యాఱఁడిఁ [3]బోవవచ్చునే!

⁠ 19

క.⁠

రాత్రి యిలు సొచ్చి పట్టఁగ [4]గాత్రస్పర్శమున లోనుగాకుండునె స త్పాత్రాపాత్రము లంబుజ నేత్రలు దలఁపుదురె జారునిం బొడఁ గన్నన్.

⁠ 20

ఆ.⁠

అనుచు వెచ్చనూర్చు నయ్యింతి [5]లోఁ బట్టు మతము లుగ్గడించు కుతిలకుడుచు మరలిపోవఁ [6]జూచు విరహాగ్నిశిఖలచేఁ దిరుగు మరులుగొనుచు దివిజవిభుఁడు.

⁠ 21

1. యా (హై)
2. జెరలాడి బ్రతికిపోవుట (తి-ము)
3. జావవచ్చునే (ము)
4. గాత్రస్పర్శనము (ము)
5. లోబడు (హై)
6. జూచి (ము)