పుట:పంచతంత్రి (భానుకవి).pdf/11

⁠

నిర్జలంబైనచో నీరజం బిడినట్లు         వట్టిచోటను విత్తు పెట్టినట్లు సారమేయము తోఁక జక్క గట్టినయట్లు         చెవిటి కేకాంతమ్ము సెప్పినట్లు తనకఁ జీఁకునకు నద్దమ్ముఁ జూపినయట్లు         వెలిమిడిలో నెయ్యి వ్రేల్చినట్లు చాల నవివేకి యైనట్టి జనవరేణ్యుఁ దగిలి కొలుచుట నిష్ఫలత్వంబు సేయు సేనకుల కెల్లభంగి విశేషబుద్ధి నిల వివేకంబు గలరాజుఁ గొలువవలయు.

⁠

—నారాయణకవి

సీ.⁠

బహుళాంధకారమ్ము వాప దీపము, జీవ         నంబుల దాఁటంగ నావ, భద్ర దంతావళముల మదం బణంపఁగ నంకు         శము, పన్నగముల రోషంబు చెఱుప గారుడమంత్రంబు, ఘనతరాఘంబుల         హరియింప ధర్మువు, నతిదరిద్ర బాధఁ దీర్పంగ సంపద, శోకముల నోటు         పఱుప నానాకళాప్రౌఢిమయును బ్రేమమున నబ్జభవుఁడు కల్పించెఁగాని చేయ నోపంగ లేఁడయ్యెఁ జెనఁటి హృదయ దంభ మొక్కింత మాన్పంగ, ధాత్రిలోన లాలితోదార! విఠ్ఠయలక్ష్మధీర!

⁠

—భానయ

చ.⁠

శరనిధిఁ దాఁట నావయును సంతమసం బడఁగింప దీపమున్ వరకరిశిక్ష కంకుశము వాయువుఁ గూర్పఁగఁ దాళవృంతమున్ వెరవునఁ జేసె బ్రహ్మ పదివేలవిధంబుల మూర్ఖచిత్తవి స్ఫురణ మడంపలేక తలపోయుచు నిప్పుడు నున్నవాఁ డహో!

⁠

—నారాయణకవి