పుట:నీలాసుందరీపరిణయము.pdf/56

⁠

దలఁపునఁ గలపనియెల్లను దెలుపవె మాతోడఁ బలికి దిటముగఁ గలికీ!

⁠ 89

క.⁠

తగులమునఁ దగిలి నీ వీ పగిది న్భిగి తఱిఁగి రేయుఁ బవలు న్మిగుల న్వగలం బొగులఁగఁ దగవా? మగువా! నగువారి నెట్లు మదిఁ దలఁపవయో!

⁠ 90

సీ.⁠

చిలుకబోదల మచ్చికలు చేసి ముద్దులు             చిలుకఁ బద్దియములు చెప్పరాదె? తెలిపిట్టగమిఁ జేరఁదీసి తద్దయు బుద్ధి             దెలిసి మెల్లన నడల్ దీర్పరాదె? నెమ్మికూటువుల గాటమ్ముగాఁ గూరిచి             నెమ్మితో నాటలు నేర్పరాదె? బట్టికాఁడుల నింపు పుట్టునట్టుగఁ గేలఁ             బట్టి పాటలఁ గఱపంగరాదె?

⁠

తే.⁠

చెలఁగి పూఁదీవియలఁ బ్రోది సేయరాదె? మేలిరతనంపువీణియ మీటరాదె? నలువుగా నెచ్చెలులఁ గూడి నవ్వరాదె? కలికి! నీడెందమునఁ జిక్కునులుకుమాని.

⁠ 91

చ.⁠

కులుకుచుఁ జేరి యాటలకుఁ గూరిమినెచ్చెలు లెచ్చరించినం బలుకవదేమి? యేమఱక పజ్జల నిల్చినయూడిగంపుటిం తులఁ గని తద్దయుం గినుకతో నదలించెదవేమి వేమఱుం జిలుకలకొల్కి! నీవెడఁగుఁజిన్నియ లెన్నఁగఁ గ్రొత్తలిత్తఱిన్.

⁠ 92

క.⁠

లేమా! నీవెత మానుప లేమా మోమోటమున సళింపఁగ డేపుని

⁠