పుట:నీలాసుందరీపరిణయము.pdf/14

⁠

దుఱుతును బిగియును గల్లయు నెఱుఁగఁ డతం డించుకయిన నెల్లెడలందున్.

⁠ 44

సీ.⁠

జగడంపుటోరెంపుజడదారికడకేఁగి             చదలేటితెలినీట జలకమాడి తెఱగంటిదొరయింటితెలిమ్రాఁకు లెగఁబ్రాఁకి             వలనొప్పఁ దెలిదీవి కెలనమెలఁగి పలుచందములఁ జిందములఁ గ్రిందుపడఁజేసి             నెలతాల్పుబలువేల్పుచెలువు నవ్వి చలమాని యలయేనుఁగులసూడు దిగనాడి             మగఱాలజిగినెలఁ దగుచుఁ దెగడి

⁠

తే.⁠

ముత్తియంబుల నురువుల మొల్లవిరుల మంచుసోనలఁ జుక్కుల నంచగముల నెంచి కొంచక తనయసం బెల్లకడల వెలుఁగ వెలుఁగొందు నారాచవేల్పుఱేఁడు.

⁠ 45

క.⁠

వెంగలియుఁ బిఱికివాఁడును దొంగయుఁ గొండీఁడుఁ బేద తులువయు ననికిన్ లొంగినవాఁడును లేఁ డర యంగా మందునకు నైన నద్దొరపుడమిన్.

⁠ 46

కుంభకుఁ డనుగొల్లదొరకత

క.⁠

ఆరామానిక మెప్పుడు గారవమునఁ బెనుప నందుఁ గదలనిసిరులం గేరుచుఁ గుంభకుఁ డనియెడి పేరిటిగొల్లదొర యొకఁడు పేర్మిఁ జెలంగున్.

⁠ 47