పుట:నారదీయపురాణము (అల్లాడు నృసింహకవి).pdf/84

తే. గీ.⁠

ఉత్తరాయణ ముడిగి సూర్యుండు వేగ దక్షిణాయనమున కేఁగు తఱి మెలంగు మధ్యకాలంబు విషమమై మహిఁ జెలంగు నదియె ముక్తకనామధేయము వహించు.

⁠

మ.⁠

తిథి సాంవత్సరికోపదేశమున బుద్ధింజాల శోధించి సు ప్రధిత శ్రీ నుపవాస మున్ననగు ధర్మంబున్ శుభంబున్ మనో రథముల్ సద్గతులున్, మహాదురిత చర్యంబూర్వ సంవిద్ధయౌ తిథియందే యుపవాసమున్నఁ గలదే తేజంబు పుణ్యస్థితుల్.

⁠

తే. గీ.⁠

ఉత్తమోత్తమమైన గంగోదకంబు నందు సురబిందుమాత్రంబు నందెనేని యతిపవిత్రంబు గాని యట్లయ్యె దశమి హరిదినమునఁ గళామాత్ర మంటెనేని.

⁠

ఆ.⁠

ఉభయపక్షముల మహోత్తముండగు కుశ కేతుఁ డఖిల దనుజజాతి యాత్మఁ బొంగి సన్నుతింపఁ బూర్వ విద్దములైన తిథుల నుపవసింపఁ దెలిపె మున్ను.

⁠

సీ.⁠

తర్కింపఁగ నకాలదత్తమ పాత్ర ద         త్తం బన త్కాలదత్తంబు క్రోధ దత్తంబు పూర్వ విద్ధతిథి దత్తంబు ను         చ్ఛిష్టదత్తంబును శ్రితజనైక దత్తంబు పతితదత్తం బేకవస్త్రతా         దత్తంబు జలవరదత్త మగ్ర కీర్తన దత్తంబు కేవలాసురజన         ప్రీతికరంబు ధాత్రీస్థలమున

⁠

తే. గీ.⁠

నట్లుగావున విద్దమౌ హరిదినమున నుపవసించినఁ బూర్వపుణ్యోత్కరంబు లణఁగు వృషలీపతి యొనర్చినట్టి శ్రాద్ద కర్మమును బోలె సకలలోకములు నెఱుఁగ.

⁠

తే. గీ.⁠

చక్రధరనామకీర్తన స్తవన భజన జప్తదత్త హృతస్నాత సవన ముఖ్య ములును బోవుఁ దిథిని వేధమున మహోద్భ టాంధతమసంబు సూర్యోదయమునఁ బోలె.

⁠