ఇంద్రియార్థములయందుఁ బంచేంద్రియంబులం బ్రవర్తిల్లఁజేయుచు
నశిక్షులైన కుపుత్రులచేఁ దండ్రియంబోలె నష్టుండగు; స్వభిన్నునింగా
నీశ్వరున వేఱుగాఁ దలంచినవాఁడు విషయార్థప్రత్యగాత్మయైన
యీశ్వరు నెట్లు సేవించు? యామ్యదిశకుం బోయినవాఁడు మేరు
నగంబు విలోకించునే? విషయమోక్షమార్గంబులు పరస్పర
విరుద్ధంబులు; లోకమార్గంబున నడచిన నాకమార్గంబున నడువవచ్చునే!
తండ్రీ! విషయానుభవంబునందు దుఃఖపరంపర గాని శాంతి లేదు;
బ్రహ్మ మొక్కటి యశాంతికరంబు నీవు విషయానుభవంబు సుఖం బని
యంటివి; బహుదుఃఖమిశ్రంబై యల్పం బగుటంజేసి యది దుఃఖంబే;
నాశదాహాహరణశంకామిశ్రంబై బహుప్రయాససాధ్యంబై యల్పం
బైన విషయసుఖంబుఁ గాల్పనా? నింబచూర్ణకృతంబైన ముద్ద యెంత
స్వల్పగుణంబైన నది భక్షించు నెవ్వఁడు సుఖంబు నొందు?
