పుట:నారదీయపురాణము (అల్లాడు నృసింహకవి).pdf/533

క.⁠

జర యగ్నిహోత్రమై తగు మరణం బవబృథము న్యాసమతి నిష్ఠునకున్ బరికింప న్యాసవిద్యా పరిచితి వర్తింప క్షిప్రఫలము లభించున్.

⁠ 93

మ.⁠

అల ఖట్వాంగుఁడు విష్ణురాతుఁడును నిత్యన్యాసవిద్యాధిరూ ఢులు వీ రంచు నుతించి మౌనిసభ నార్యు ల్మెచ్చఁగాఁ దత్వవే దులలో ముఖ్యుఁడ వీవె పల్కితి కృతార్థుల్‌గారె వా రెన్నికన్ కులశీలాద్యభిమానసంపదల లోకు ల్గాంచిరే మోక్షముల్.

⁠ 94

వ.⁠

ఖట్వాంగుఁడను రాజర్షి ముహూర్తాయుఃప్రమాణం బెఱింగి సర్వంబు విసర్జించి హరిం జెందె. పరీక్షితుండు సప్తాహంబు జీవితావధిగాఁ దెలిసి నిఖిలంబుం బరిత్యజించి యపవర్గంబు గాంచె నట్లగుట న్యాసవిద్య సర్వఫలప్రద. మఱియు.

⁠ 95

క.⁠

ఆరయ భీష్మాదులు శ్రీ నారాయణదేవుఁ గృష్ణు నానాబుధలో కారాధ్యు భక్తిఁ గొల్చి యు దారంబగు పరమధామ మందిరి వేడ్కన్.

⁠ 96

వ.⁠

అనిన శుకుం డిట్లనియె.

⁠ 97

సీ.⁠

భగవంతుఁడవు పరబ్రహ్మణ్యుఁడవు సం                        పూజనీయచరణాంభోజుఁడవు స మిద్ధబుద్ధి నను గ్రహింపుము నన్ను లో                        కంబులో నెఱిఁగియుఁ గాముకుండుఁ దలపఁ డజ్ఞానకుతర్కప్రతారితుం                        డై [1]దోషముం దెలియని జనంబు లాడెడుచోట నే నడిగెద నీప్రశ్న                        మీయపరాధంబు లిటు సహింపు

⁠

తే. గీ.⁠

మిది రహస్యార్థ మనుచు నే మొదలఁ దలఁచి యిదియ యడుగఁగఁ దలఁచితి నింతకంటె నెద్ది ప్రశ్నాంతరంబు సమీప్సితప్ర దాయకము నిత్యముక్తిప్రదాయకంబు.

⁠ 98

1. దోష మింతెని