ధర్మాంగదుఁడు మోహిని ననునయించుట
| క. |
రా జేమి చేసె నీ కం
భోజానన రాజు నింద నొందించెద వ
య్యో! జనని! తగునె నీ కీ
యోజన నిఖిలావనీసురోత్తమసభలన్.
| 73
|
| మ. |
అరుణాశోకసమాకృతి న్మెఱసి చక్రాబ్జధ్వజచ్ఛత్రచా
మరమీనాంకుశముఖ్యరేఖలను రమ్యంబై సువర్ణాంగద
స్ఫురితంబై తగునట్టి దక్షిణకరాంభోజంబుపైఁ జూచి యీ
ధరణీనాథుఁడు సత్యశీలుఁ డనఁగాఁ దప్పెం గుమారోత్తమా!
| 75
|
| క. |
అది గాన సకలభోగా
స్పదమగు మజ్జనకు రాజ్యపదమున కే నేఁ
గెదఁ; ద్రిదశేంద్రాదుల నా
మది మెచ్చక వలచి వచ్చి మఱి యిట్లయితిన్.
| 76
|
| క. |
దేవీ! నీయానతి నేఁ
గావించెద నెద్దియైనఁ గటకట! శోకం
బీ వింత చెంద నేటికి ?
వేవేగ నృపాలుకడకు విచ్చేయు మిఁకన్.
| 78
|
| [1](వ. |
అనిన మోహిని యాతని కిట్లనియె.)
| 79)
|
| సీ. |
తనయ! మీతండ్రి మందరగిరిక్షోణి ధూ
ర్జటి సన్నిధానదేశంబునందు
భార్యగా ననుఁ జెంది బహుభాషయై పల్కి
బొంకెఁ గాంచనవస్త్రభూషణాంబ
రగ్రామఖేటఖర్వటగజహయముఖా
ఖిలవస్తువులు వేఁడఁదలచఁ దనకు
హాని యౌననుచు మోహము గల్గి దేహ మే
రీతిని బలశక్తి హెచ్చియుండు
|
|
- ↑ ఈవచనము వ్రాతప్రతియందు లేదు. గ్రంథపాతపుగుర్తులును లేవు. అయినను సందర్భము జూచిన నిది యవసరమని స్పష్టపడగలదు.
