| మ. |
వరదివ్యాభరణంబు లాని యతిభవ్యంబైన నెమ్మేనితోఁ
దరుణాదిత్యసహస్రతేజమున దిగ్ధామంబు లుద్దీప్తులై
పరఁగంజేయుచు యోగిగమ్యమగు శ్రీపద్మామనోనాథమం
దిరగర్భంబున కేఁగె నిర్జ(రు)లు గీర్తింపంగ సద్భక్తిమై.
| 224
|
| సీ. |
ఆగృహగోధిక నట్లు కటాక్షించి,
మోహినితో గంధవాహవాహ
వాహనంబునను బర్వతవనీపాదప
నదనదీమృగపక్షినగరఖేట
ఖర్వటగ్రామదుర్గమ[1]ఘోరలక్ష్మిఁ గీ
ర్తించి చూచుచు వామదేవునాశ్ర
మప్రాంతమున నిల్చి [2]మఱియు మఱియు మ్రొక్కి
యనిలవేగంబున నరిగి సకల
|
|
| తే. గీ. |
ధనకనకవస్తుసామగ్రిఁ దనరు నిఖిల
దేశములు గాంచికొంచు నుదీర్ణపూర్ణ
రత్ననిధి యగు విదిశాపురంబుచెంత
నిలిచియున్నంత దిగ్దేశనృపులతోడ.
| 225
|
మోహినీసహితుండైన రుక్మాంగదుని స్వదేశాగమనము
| వ. |
ధర్మాంగదుం డొడ్డోలగంబై యుండి చారులచే విని, యుదీచిముఖంబున
వెలుంగుచున్నది మద్గురుండు రుక్మాంగదుం డరుదెంచె. తద్వాజి
తేజంబు విజృంభించెనని యెదుర్కొనం దలంచి.
| 226
|
| క. |
జనకుం డేతించినయెడఁ
దనయుం డెదురేఁగి మ్రొక్కఁదగుఁ గాకున్నన్
ఘనఘోరనరకకూపం
బునఁ ద్రోయకయున్నె తపనపుత్రుఁడు వేగన్.
| 227
|
| తే. గీ. |
తండ్రి వచ్చిన నెదురేఁగి దండనతు లొ
నర్చి నిలిచిన యట్టి యానందనునకు
నడుగు నడుగుకుఁ బ్రాపించు యజ్ఞఫలము
లనుచుఁ బౌరాణికోత్తము లాడికొండ్రు.
| 228
|
- ↑ ఘోరలక్షిం గీర్తించి చూచుచు
- ↑ మఱియు మఱియును మ్రొక్కి
