పుట:నారదీయపురాణము (అల్లాడు నృసింహకవి).pdf/426

వ.⁠

అట్లు గావునఁ దత్ఫలంబు నాకు నొసంగి ధర్మమూర్తీ! వైవస్వతపద ధ్వంసీ! పాలించవే యని గృహగోధి పల్కిన విని మోహిని యిట్లనియె.

⁠ 213

క.⁠

ఇలలోపల సుఖదుఃఖం బులు దాఁ జేయునవి తానె భుజియించు నరుం డలవడఁగ క్షుద్ర యిది దు ష్కలుషాత్మక దీనిఁ బ్రోవఁగా నిఁకఁ దగునే?

⁠ 214

సీ.⁠

ఇది దుష్ట దుశ్శీల యెంచ రక్షాచూర్ణ                        ములఁ బతిఁ గారించె [1]మూఢబుద్ధి సాధువులకుఁజే యు సదుపకారంబు స్వ                        ర్గయశఃపదంబు లోకంబులోనఁ బాపాత్ములకుఁ జేయు బహుళోపకారంబు                        ఘనభయభ్రంశసాధనము శర్క రామిశ్రదుగ్ధసారంబుఁ దాఁ(గొని) పన్న                        గములకుఁ బోసిన గరళమైన

⁠

తే. గీ.⁠

కరణిఁ దత్పాతకిజనోపకరణ మమరు విడువు మీ[2]యింతిపైఁ గృప, వెడలవలయు నగరమున కాత్మసౌఖ్య మెన్నంగఁ గలదె యన్యకార్యాంతరాసక్తి నలసియున్న.

⁠ 215

వ.⁠

అనిన రా జిట్లనియె.

⁠ 216

తే. గీ.⁠

బ్రహ్మపుత్రివి నీ కిట్లు పలుకఁదగునె? సాధుజనులకు నీదురాచారవృత్తి యుక్తమే? యాత్మసౌఖ్యకరోద్యమమునఁ బాతకమే కాని జ్ఞానసంపత్తి కలదె?

⁠ 217

తే. గీ.⁠

శశియు సూర్యుండు ననిలుండు [3]జగతిఁ బావ కంబు హరిచందనంబు నాకద్రుమంబు లుత్తమంబులు నవసంఖ్య నొనరుఁ గీర్తి ఘనత నుదయించుట పరోపకారమునకె.

⁠ 218

.

1. గూఢబుద్ధి
2. యింతిపై కృప
3. జగతి పావ | కంబు అరిచందనంబు నాకద్రుమంబు | లుత్తములు ననల నవసంఖ్య నొనరుఁ