పుట:నారదీయపురాణము (అల్లాడు నృసింహకవి).pdf/414

క.⁠

ననుఁ గొనియాడకు మో ముని జననాథ! భవత్పదాంబుజాతపరాగాం శనిజమహత్త్వము డలదే జనవిభుఁడ మదాంధుఁడన్ బ్రశంసార్హుఁడనే?

⁠ 154

క.⁠

ధరణి సురవర్యులం గని పరితోషము నొంద విష్ణుభక్తి ఫలించున్ ధరణీసురవర్యులఁ గని పరితోషము నొందకున్న ఫలియించ దిలన్.

⁠ 155

ఆ. వె⁠

అనిన వామదేవుఁ డనియె నాగృహమున కరుగుదెంచితివి మహాత్మ! నీ క భీష్ట మెద్ది? [1]తెలుపు మిచ్చలు హరిదిన వ్రతపరాయణైకమతధురీణ!

⁠ 156

వ.⁠

అనిన రుక్మాంగదుండు కరంబులు మోడ్చి యిట్లనియె.

⁠ 157

సీ.⁠

తాపసోత్తమ! భవత్పాదపద్మంబులు                        గాంచునంతనె సర్వకామితములు నాకు లభించె సన్మౌనీంద్ర! యొకసంశ                        యం బాత్మలో నున్నయది యణంపు మనఘాత్మ! లోకత్రయాధికసౌందర్య                        శాలిని మద్భార్య సాధుచర్య ననుఁ జూచు నవ్యమన్మథునిగా నాసాధ్వి                        ద్రొక్కినచోట్ల నిధుల్ ప్రకాశ

⁠

తే. గీ.⁠

మందు నంటినచోఁ బాప మవియు నగ్ని పాసి సిద్ధించు షడ్రసబహువిధాన్న ములు భుజింతురు విప్రకోటులు ధరిత్రి తన్మహత్త్వంబు చెప్పఁ జిత్రంబు కాదె!

⁠ 158

తే. గీ.⁠

బ్రాహ్మణోత్తములును విష్ణుభక్తులును జ రాంధులును రోగులును వచ్చి యాశ్రయింప నాత్మఁ గరఁగు నవజ్ఞ సేయదు తదీయ వాక్యములు ద్రోయదు విశిష్టవర్తనమున.

⁠ 159

1. తెలుపు నిచ్చలు