పుట:నారదీయపురాణము (అల్లాడు నృసింహకవి).pdf/224

మ.⁠

జను లోహో యని యద్భుతాబ్ధి మునుఁగ న్‌సాయాహ్నరాముండు తా దినలంకాధిపునాభికుండలిసముద్దీప్తామృతశ్రేణి ప త్రినికాయోద్దతి తెచ్చి నిల్పెనన నెంతేఁ బొల్చెఁ బూర్వాద్రిపై వనజాతారిరథాంగనామఖగగర్వధ్వంసియై యంతటన్.

⁠ 154

మ.⁠

పురుషోత్తంసుఁడు నేఁడు [1]తద్వ్రజవధూపుంజానురాగంబుతోఁ బరఁగెన్ మోహము మించ మత్సుతఁ దలంపం డంచు దుగ్ధాబ్ధి ని ర్భరభక్తిన్ జనుదెంచి తత్పదముపై వ్రాలెం గదా యన్ని వి స్ఫురణం జంద్రిక కాయజాస్త్రసుమనఃపుంజంబుతోడం దగెన్.

⁠ 155

క.⁠

మధురాకృతితో మురళీ మధురసుధానవధి గానమంజిమయుతుఁడౌ నధునాతనవిధు నాతని నధిగతపరమార్థలై యొయారము మెఱయన్.

⁠ 156

వ.⁠

సేవించి గోపిక లిట్లనిరి.

⁠ 157

గోపికావిహారము

క.⁠

ఈపంతము లీగానము లీపలు కీకళలబెళుకు లీవింతల మే లీపొలుపులు నీకే తగు గోపాలక నిన్ను భక్తిఁ గొల్చెద మింకన్.

⁠ 158

సీ.⁠

వారవట్టినఁ గాకతీరు నేమైకాఁక                        యధరామృతము జిహ్వ నానుకొనినఁ దనువు లొక్కటిగాక తలకొనునే తృప్తి                        కులుకు గుబ్బలి గ్రుచ్చుకొనినమాత్ర గురి గళలంటస కరఁగకుండినఁ గాక                        పారవశ్యంబు పైఁ బడినఁ గలదె యనిమేషముగఁ జూపు లామతించినఁ గాక                        బెళకించి చూచినఁ బ్రేమ యగునె

⁠

ఆ. వె.⁠

తలఁచి తలఁచి పిలిచి పిలిచి నీపదములు గొలిచి గొలిచి చాల నలసి యలసి మ్రొక్కి మ్రొక్కి చొక్కి చొక్కి నీశుభమూర్తి గాంచి కాంచి మనుట కలిమి బలిమి.

⁠ 159

1. తద్వ్రతవధూపుంజ