పుట:నారదీయపురాణము (అల్లాడు నృసింహకవి).pdf/658

తే. గీ.⁠

బాల్యమున నీవు బ్రాహ్మణప్రవరు లాడు నిష్ఠురోక్తిపరంపర నీఱుగప్పు నిప్పువలె నుండి ప్రభ లేక నేఁడు వత్స! జాడ్యమంతయుఁ దేరి తేజమున నుంటె.

⁠ 90

సీ.⁠

అజ్ఞాననిధియైన యట్టిబాల్యము వోవ                        నీహారముక్తుఁడౌ నీరజాప్తు పగిది నుండిన నిన్ను బ్రాహ్మణు లేరీతిఁ                        జేరి బోధింతు రశీలపథముఁ బ్రాయంబునందుఁ దద్బ్రాహ్మణులే నిన్ను                        నిట్లు శిక్షించిరి హిత మెఱింగి; రాజ్యభారదురంధరత నీవు గైకొన్న                        సుఖమున నుండెద శుభము లొంది;

⁠

తే. గీ.⁠

యఖిలదుష్కంటకనివృత్తి నవనినేలు నీమహైశ్వర్య మీక్షింప నెమ్మిపుట్టె; గురుఁడు నిను మెచ్చె విద్యాధికుండ వనుచు వీనులకు నది విన నేఁడు వేడ్క యయ్యె.

⁠ 91

తే. గీ.⁠

శత్రుదారిద్య్రమెల్ల లోచనములకును, సుతుని సూక్తులు చెవులకు, వితతయుద్ధ రంగరంగద్వ్రణంబు గాత్రంబునకు, స ముద్యదభిమానులకును మహోత్సవములు.

⁠ 92

వ.⁠

అని యిట్లు.

⁠ 93

క.⁠

నికృతప్రజ్ఞాసంపద వికటంబుగఁ దండ్రి పలుక విని నిశ్శంకా త్మకుఁడై ప్రహ్లాదుఁడు యో గికులాగ్రణి యుత్సవంబు గీల్కొనఁ బల్కెన్.

⁠ 94

క.⁠

శోత్రములకు విష్ణుకథా పాత్రప్రథితోక్తులే యపారోత్సవముల్ చిత్రముగ నెట్లు పల్కిన శ్రోత్రార్హమె యన్య మది సుదృష్టం బగుటన్.

⁠ 95