62
ధనాభిరామము
దెచ్చి యల్లునిం జేసికొని సకలధనంబులనుం గొందునని
దాసియుందానును సిద్ధునిం డాసి దండప్రణామంబు చేసినం
జూచి యాతండు వారికిం దగినవస్త్రభూషణంబు లొసఁగిన
నవ్విటరంపంబు పునఃపునఃప్రణామంబు లాచరించి హస్తం
బులు మోడ్చి యిట్లనియె. 45
సీ. ఇల జాణ లగువారు నీదక్షవాటికి
వత్తు రేఁ జూడనివారు లేదు
యీరాజసక్రియ యీవైభవస్ఫూర్తి
యీదానగుణము మరెవ్వ రందు
కని యెఱుంగము వినియును నేమెఱుంగము
జెప్పఁ జిత్రము మీవిశేషమహిమ
ధర్మాత్ముఁడవు భవద్దర్శనంబునఁ జేసి
యందఱు జాలఁ గృతార్థులైరి
చేర నీసేవ సత్తుగాఁ జేయునట్టి
వారలకు నెల్ల ఘన మైనవైభవములు
రూఢి మాపాలిభీమేశ్వరుండ వీవె
శ్రీకరోన్నతగుణధుర్య! సిద్ధవర్య! 46
క. విచ్చేయుఁడు మాయింటికి
చెచ్చెర నీవేళ భిక్ష సేయఁగవలయున్
మెచ్చుగ శిష్యులు మీరును
సచ్చరితానందవిభవచాతుర్యనిధీ! 47
వ. అనిన సిద్ధపుంగవుం డిట్లనియె. 48
చ. తలకొని వేడ్కతో నవనిధానములుం దనయొద్ద నెప్పుడున్
గల వదిగాక శిష్యులముఖంబున వచ్చుసమస్తవస్తువుల్