ఈ పుట ఆమోదించబడ్డది
ద్వితీయాశ్వాసము
—♦♦♦♦§§♦♦♦♦—
క. శ్రీశైలకన్యకాధిప
యాశీవిషనాథశోభితాంగద నతవా
గీశ ఘనసారహిమసం
కాశా శ్రీదక్షవాటికాభీమేశా. 1
వ. దేవా విన నవధరింపుము.2
క. ఆమని చనుదెంచెను బే
రామనియై సకలభూరుహావలిసొబగుల్
రామనిశుకపికభృంగ
స్తోమములగు నంతకంత సొంపు వహింపన్. 3
మ. వినుతానోకహకుంజమంబు లలతన్ విస్ఫూర్తిఁ బొందంగ న
త్యనురాగంబున భృంగకీరకలకంఠారావముల్ మ్రోయఁ గ్రొ
న్ననవిల్కానికి సున్కిపట్టగుచు నానాగంధముల్ నిండె మ
న్ననతో వచ్చె వసంతకాలము జనానందంబు గావింపుచున్.4
చ. అలినివహంబుకోరికె పికావళికీతగుప్రాణరక్ష రా
చిలుకలజీవనస్ఫురణ చిత్తజవైభవరాజ్యలక్ష్మి చె
న్నలరు సమీరణంబులకు నర్మిలికూట మనంగ వేడుకన్
మలయుచు నేగుదెంచె మధుమాసము మారమనోవికాసమై. 5
ఉ. చందనమాతులుంగహరిచందనసాలరసాలపాటలీ
కుందకపిత్థచంపకముకుందవటార్జున రావిబిల్వమా
