14
ధ నా భి రా మ ము
చల్లని మధురభాషణముల నలరించి
చేరవచ్చిన కూడ చెలిమిజేసి
కళలున్ననెలవులు కదిలించి తగుబాహ్య
రతులను చిత్తంబు గరగజేసి
తమకంబుజేసి నాత్మకు లోనుగాజేసి
హృజ్జాతకేళి బుజ్జగించి
తే. సమరతులగూడి పారవశ్యమునుబొందు
కదిసి చమటూరి కౌఁగిట గాఁకదీర్చి
కలయనేర్చిన చాలు నిక్కము ధనంబు
తలప నొల్లరు కలలోన జలజముఖులు.59
క. గరగరికయుఁబ్రాయంచును
సరసత్వము నేర్పు రూపు సంపదయుసు సు
స్థిరమృదుభాషలు గల
పురుషులు గలిగినను ధనము పొలఁతులు తలఁపన్.60
క. మూటలుగట్టి ధనంబులు
వాటముగా నొసగి తమకు వశమనుచును రా
వాటునుగలవాటును నిడ
యేటికి దలచెదరు తమకు యిందునిభాస్యల్. 61
క. రూపంబు ధనము నిచ్చును
రూపం బటు తనకులంబు రూఢిగ జేయున్
రూపంబు లోకవశ్యము
రూపము లేనట్టినరుని రోతురు భామల్.62
వ. అని కఠోరంబులుగాఁ బలికిన చిలుకతేరివాని నలుక దీపింపం గనుంగొని
యలకాధీశ్వరుం డిట్లనియె.
