ప్ర థ మా శ్వా స ము
9
వ. ఇట్లు చనుదెంచి రంభాద్యప్సరోవిలాసినీసందోహంబులు ప్రియంబున మ్రొక్కిన
వేల్పురేడు గారవించు మన్ననలచెన్నొంది తలంకక కెలంకులనుండి రయ్యవసరంబున.
సీ. తమ్మిమేడనునుండు తరుణి ముద్దులపట్టి
యల్ల రేరాయని యల్లుగుఱ్ఱ
ఘనతకెక్కినవసంతునితోడి చెలికాఁడు
మనసులమలసెడు మావటీఁడు
పచ్చపిట్టలతేరు పఱపియాడెడుజోదు
పాంథజనంబులపాలిగొంగ
మగతనంబుల కెక్కుడగు తియ్యవిలుకాఁడు
పువ్వులమ్ములు సేయు బూమెకాఁడు
తే. మహిమ దీపింప విటవిటీమానధనము
కలికితనమున గొల్లాడు కన్నకాఁడు
వలపులకు నెల్లగనిలోకవశ్యరూప
మంత్రరక్షాసమర్థుండు మన్మథుండు.37
చ. చిలుకలతేరునుం జెఱకుశింగణి వాడని పువ్వుదూపులన్
వెలయగ మీనకేతనము వేడుక గ్రాలగ నద్భుతంబుగా
నళులును గండుకోయిలలు నంచలు గొల్వగ నేగుదెంచె ను
జ్వలతరరూపసంపదల వన్నెల దిక్కులు పిక్కటిల్లగన్. 38
క. సరసనవకుసుమమృదుతర
పరిమళములు వొలయభావభవురాకదిదా
సురకాంతానయనోత్సవ
కరమును మోహమును వశ్యకరమును దనరెన్.39
