పుట:దశరథరాజనందనచరిత్ర (మరింగంటి సింగరాచార్య).pdf/92

క.⁠

రణసన్నద్ధక్రియచే గణియించక గదియఁ దాటకాతనయ ఖలా గ్రణి యనిలసాయకాహతిఁ దృణలీలం గడలినేసెఁ దేలి చనంగన్.

⁠ 113

గీ.⁠

అతనిచాయి యెదిర్చిన నస్త్రకలన జెక్కలై నేల ద్రెళ్లంగఁ జేయఁగాంచి కాకఁ గదిసిన రాక్షసఘటలనెల్ల నర్కనందననగరికి ననిచె నంత.

⁠ 114

క.⁠

ఇక్కరణి కార్యసిద్ధిగ నక్కఱ గాధేయజటి నయక్రియ నతనిన్ జక్కఁగఁ గౌఁగిటఁ జేర్చెన్ జక్కఁగఁ ద్రిదశగణగణన సంధిల్లంగన్.

⁠ 115

వ.⁠

ఇట్లరణ్యాని నిష్కంటకాకృతిగాఁ జేసి తన యజ్ఞదీక్షఁ గడతేర్చినదానికి గాధిజర్షి సంతసిల్లి దాశరథి కైంద్రాగ్నేయాదిసకలశస్త్రాస్త్ర జ్ఞానసిద్ధిగా నానతిచ్చి తగిననా ళ్లక్కడ నధిష్టించి రయ్యెడ.

⁠ 116

ఆశ్వాసాంతము

క.⁠

అతులప్రతాపతపన ప్రతిభా! ధావద్విపక్షబల! కౌశికసం శ్రితవలయ! వసుమతీధర! సతతకృపాభ్యంతరాళ సాంద్రధ్వాంతా.

⁠ 117

మ.⁠

అతులాంభోనిధిధామ! ధామజితకోట్యాదిత్య! దిత్యంగనా పతిహృద్వారిజవాస! వాసవనుతప్రాబల్య! బల్యాగ్రహ [1]ప్రతతిచ్ఛేదనసత్త్వ! సత్త్వయుతశోభాకాంత! కాంతామణీ రతిరాజప్రతిమాన! మాననయధైర్యస్థైర్యశౌర్యోన్నతా.

⁠ 118

1. ప్రతిత (ము)