54
దశకుమారచరిత్రము
నిందాపాత్రచరిత్రుఁడ
మందుఁడఁ బే రడిగెదేని మాతంగకుఁడన్.10
చ. ఎఱుకులఁ గూడి భూములకు నేఁగుచు నూళ్ళును జొచ్చి వ్రేల్మిడిం
బఱిపఱి సేయుచున్ సతుల బాలుర నేపునఁ బట్టి తెచ్చుచున్
జెఱ నిడి దండువుల్ గొనుచుఁ జెట్టలపుట్ట యితండు నాఁగ నే
గొఱకుఁదనంబు మీఱి ధరఁ గ్రుమ్మరుచుండుదు నెల్లకాలమున్.11
క. ఒకనాఁ డొకముదిపాఱుని
నొకచో నాతోడిబోయ లొలిచికొనంగా
నకటా! తగదని పలికిన
మొకమోడక నన్ను బన్నములఁ బఱచి రొగిన్.12
క. వారలు పలికినపలుకులు
సైరింపక తొడరి యస్త్రశస్త్రప్రౌఢిన్
బోరి తదీయప్రహరణ
పారంపర్యమున మూర్ఛ పాటిల్లుటయున్.13
ఆ. ప్రేతపురికి నరిగి పేరోలగంబున
నున్న జముని కెఱఁగి యున్న నన్నుఁ
నతఁడు దెలియఁ జూచి యాసభలోనికిఁ
బ్రీతిఁ జిత్రగుప్తుఁ బిలువఁ బంచి.14
వ. వీనికి నిది యపమృత్యువుగాని కాలమృత్యువు గాదు వీఁడు
దుర్వర్తనుం డయ్యును విప్రార్థంబుగాఁ బ్రాణంబు విడుచు
టం జేసి పాపంబులు నీఁగికొనియెం గావునఁ బదంపడి శరీ
రంబు విడిచినను నరకావాసంబు లే దైనను నిటమీఁద
