అష్టమాశ్వాసము
219
చ్చలవిడి రాత్రి పుచ్చి దివసం బగుడుం దలపోయుచుండితిన్.25
మ. ఒకచంద్రానన యప్పు డొంటిమెయి నయ్యుగ్రాటవీభూమిలో
నికి నేతెంచి ముఖాకృతిం బ్రకటమై నెయ్యంబు దోతేర ను
త్సుకతం దాఁ బ్రణమిల్లి వన్యకుసుమస్తోమంబు నాకర్థిఁ గా
నికఁ గా నిచ్చినఁ గౌతుకంబు మదిలో నెక్కొన్న నేఁ బల్కితిన్.26
క. కోమలి! యెవ్వరిదానవు?
నామం బెయ్యది! వనంబునను నొక్కతవున్
రా మది వేడుక పుట్టుట
కేమి గతం? బెఱుఁగఁ జెప్పు మింతయుఁ నాకున్.27
వ. అనిన విని యమ్మగువ యి ట్లనియె.28
సీ. మహనీయగుణనిధి మాణిభద్రుం డన
నభినుతి కెక్కిన యక్షవరుని
యర్మిలితనయఁ దారావళి యను దాన
నెలమి నిన్నరాత్రి మలయగిరికి
నరిగి క్రమ్మఱి వచ్చునపుడు వారాణసి
నగరంబుకడ మసనంబులోన
నొక్కబాలకుఁ డేడ్చుచున్న నేఁ గృప పుట్టి
యెంతయుఁ బ్రీతిమై నెత్తి తెచ్చి
తే. జనకునకుఁ జూపి చెప్పితిఁ గనినభంగి
యాతఁ డప్పుడ చెప్పె ధనాధిపతికి
విను కుమారకుఁ గనుఁగొనువేడ్కఁ జేసి
నన్ను రావించి కిన్నరనాయకుండు.29
