14
దశకుమారచరిత్రము
తే. జగతి నుతి కెక్కె రాయవేశ్యాభుజంగ
రాజ్యరత్నాకరస్ఫూర్తి రాజమూర్తి
గంధవారణబిరుదవిఖ్యాతకీర్తి
దినపతేజుండు సిద్ధయతిక్కశౌరి.66
తే. అతఁడు పతిహితారుంధత నన్వయాంబు
నిధినిశాకరరేఖ ననింద్యచరిత
సకలగుణగణాలంకృత జానమాంబ
వనజలోచనఁ బ్రీతి వివాహమయ్యె.67
క. అమ్మంత్రి తిక్కనార్యున
కమ్మగువకు సద్గుణాడ్యుఁ డగు సిధ్ధనయున్
గొమ్మనయును నిమ్మడియును
ముమ్మడియును నుదయ మైరి మోదం బెసఁగన్.68
వ. అం దగ్రజుండు.69
సీ. ఇందిరాసుతుచంద మిట్టిది యననేల
యీతనిరూపంబుఁ జూతురేని
యమకభూరుహ మిట్టి దననేల యీతని
చాగంబునకుఁ గేలు సాఁతురేని
యమృతసేచన మిట్టి దననేల యితనికృ
పాదృష్టి బెరయఁ జొప్పడుదురేని
మనుమార్గ మది యిట్టి దననేల యితనిస
ద్వృత్తగౌరవము భావింతురేని
తే. యని యనేకవిధంబుల నఖిలజనులు
తనసమస్తగుణంబులు తగిలి పొగడ
