ప్రథమాశ్వాసము
11
క. సకలకళాపారంగతుఁ
డకుటిలచిత్తుఁడు నిజాస్వయాంభోనిధిశీ
తకరుఁడు ప్రకటయశోధనుఁ
డకలంకుఁడు నల్లసిద్ధనామాత్యుఁ డిలన్.52
క. వినయనిధి నల్లసిద్ధికి
వనజానన యచ్చమకుఁ బ్రవర్ధితకీర్తుల్
జనియించిరి కేతనమ
ల్లన లనఁగా వివిధసత్కళాకోవిదులై.53
క. ధూతకలంకుఁడు విద్వ
త్ప్రీతికరుఁడు దురితతిమిరదిననాథుఁడు జై
వాతృకసమసౌమ్యాకృతి
కేతన యన నల్లసిద్ధికేతన వెలసెన్.54
ఆ. ఎల్లగుణములందు నితని కీతఁడె సరి
గాక సదృశు లొరులు గలరె యనఁగ
నల్లసిద్ధిసుతుఁడు మల్లనామాత్యుండు
వినుతి కెక్కె సూరిజనుల సభల.55
వ. ఇట్టి సంతానంబువలన వెలుంగు కేతనామాత్యు ననుసంభ
వుం డైన మల్లనార్యుగుణవిశేషంబు లెట్టి వనిన.56
ఉ. బల్లిదుఁడే వృకోదరుఁడు భాగ్యసమగ్రుఁడె కిన్నరేశ్వరుం
డుల్లసితప్రతాపగుణయుక్తుఁడె పంకజబాంధవుండు వా
గ్వల్లభుఁడే విరించి సుభగత్వమనోజ్ఞుఁడె మన్మథుండు మా
మల్లనమంత్రి మంత్రిజనమండనుఁ బేర్కొని చెప్పి చెప్పుచోన్.57
