పంచమాశ్వాసము
133
నడవఁ బనిచి పై చీర నత్తొడవు లెల్ల
ముడిచి యేనును దోడన నడుచునపుడు.88
వ. సముచిత సంభాషణంబులలోన నబ్బాలిక పేరు కులపాలిక
యగుటయు నెఱింగితి నట్టియెడ.89
తే. కోలదివియలవెలుఁగు దిక్కులకు నిగిడి
తొడరి పురవీథిఁ జీకటిఁ దొలఁగఁ దోలఁ
బటురయంబునఁ దలవరిబలము రాక
చూచి యొక్కింత చిత్తసంక్షోభ మెసఁగ.90
సీ. ఈబాలయును నేను నెదురుగాఁ బోయిన
నలజడిఁ బెట్టుదు రని తలంచి
యిక్కొమ్మ నడపించునెడ వీరిఁ బఱపుదు
ననుట మోఱక మగునని తలంచి
యీ లేమయును నేను నోలంబు సొచ్చినఁ
గనిరేని నవకార్య మని తలంచి
యిన్నాతిఁ దిగఁద్రావి యేను బాఱిన మగ
తనము నిష్ఫల మగు నని తలంచి
తే. తప్పఁ గ్రుంకెడు వెర వాత్మఁ దలఁచితలఁచి
యీయవస్థకు నూహింప నిదియ మాకు
బ్రదుకుఁదెరు వగు నని సుఖోపాయవృత్తి
గాంచి యిట్లని పలికితిఁ గాంతతోడ.91
తే. విషము భావించికొని పడి వీథి నేను
బొరలుచుండెద నిది పోలుఁ బోల దనక
యెదురుగాఁ బోయి వెడయేడ్పు లేడ్చి వారి
తోడ ని ట్లని పల్కుమీ తోయజాక్షి!92
