ఈ పుట ఆమోదించబడ్డది
రేకు: 0111-05 లలిత సం: 02-065 కృష్ణ
పల్లవి: ఈడనుండె నిందాఁకా నింటి ముంగిట
ఆడ నెందుఁ బోఁడుగద అప్పుడే యీకృష్ణుఁడుఁ
చ. 1: యేడ పూతకిఁ జంపె నింతపిన్నవాఁడంటా
ఆడుకొనేరదే వీథి నందరుఁ గూడి
వేడుకతో మనగోవిందుఁడు గాఁడుగదా
చూడరమ్మ వీఁడు గడు చుల్లరీఁడు పాపఁడు
చ. 2: మరలి యప్పటివాఁడె మద్దులు విఱిచెనంటా
పరువులు వెట్టేరు పడఁతులెల్లా
కరికరించఁగ రోలఁ గట్టితే నప్పుడు మా-
హరి గాఁడుగదా ఆడనున్న బిడ్డఁడు
చ. 3: వింతగాఁగ నొకబండ విఱిచె నప్పటినంటా
రంతు సేసేరదివో రచ్చలు నిండి
అంత యీశ్రీవేంకటేశుఁడైన మనకృష్ణుఁడట
యింతేకాక యెవ్వరున్నా రిటువంటి పాపఁడు