ఈ పుట ఆమోదించబడ్డది
రేకు: 0111-03 శుద్ధవసంతం సం: 02-063 ఉపమానములు
పల్లవి: చిక్కువడ్డపనికిఁ జేసినదే చేఁత
లెక్కలేని యప్పునకు లేమే కలిమి
చ. 1: తగవులేమి కెదిరిధనమే తనసొమ్ము
జగడగానికి విరసమే కూడు
తెగుదెంపులేమికి దీనగతే దిక్కు
బిగువుఁగూటికి వట్టిబీరమే తగవు
చ. 2: పతిలేనిభూమికి బలవంతుఁడే రాజు
గతిలేనికూటికిఁ గన్నదే కూడు
సతిలేనివానికి జరగినదే యాలు
కుతదీరుటకు రచ్చకొట్టమే యిల్లు
చ. 3: యెదురులేమికిఁ దమకేదైనఁ దలఁ పిది
మదమత్తునకుఁ దనమఱుపే మాట
తుదిపదమునకుఁ జేదొడైన(???) విభవము
పదిలపు శ్రీవేంకటపతియే యెఱుక